#即时娱乐新闻# 【#陈嘉倩#大爆被男艺人酒后示爱 呢位全能男艺人身份曝光?】
娱乐LOL:前无线新闻主播陈嘉倩“嘉倩BB”,离开无线后转型做KOL,人气有增无减。前排陈嘉倩上ViuTV晚吹系列节目《#有酒今晚吹#》,期间大爆喺无线做𠮶阵出席类似庆功嘅聚会,当时仲认识咗一个男艺人,而呢位男艺人之后仲半夜send短信向佢表白。陈嘉倩估佢应该系饮醉咗,因为啲讯息断断续续、又冇逻辑。虽然陈嘉倩就冇爆男艺人身份,只话佢系“全能男艺人”。节目出街后,一班网民及粉丝就化身侦探,估𠮶位男艺人系边个。
㖊日就有报道指好似揾到𠮶位“全能男艺人”,佢就系崔建邦。报道仲话崔建邦当年曾力追陈嘉倩,佢哋试过喺无线一齐食饭,但陈嘉倩知道崔建邦成日换女友,而冇接受追求。有记者向陈嘉倩求证,佢就否认系#崔建邦#,仲叫大家唔好胡乱揣测,唔想影响到唔关事嘅人。