爆TVB唔畀同李佳芯合照!陈恩德宣战:会抽起过千万广告

被爆与李佳芯(Ali)秘恋逾一年的“虫草大王”陈恩德,今午(26日)举行新宠物概念活动,邀得王丹妮夫妇、蔡洁、许廷铿、张天赋及戴祖仪等艺人撑场,而郑裕玲担任司仪。对于Ali原本亦在嘉宾之列,但陈恩德接获TVB开出“不合理条件”,临门一脚决定“放弃”Ali。

活动完结后陈恩德在律师及公司高层陪同下,解释“不合理条件”谓:“起初我问过Ali同佢经理人,佢哋话Ok咪请佢嚟啰。但昨日(25日)TVB话如果出席,今日佢唔可以同我影合照,即使大合照都要保持距离,我觉得咁样好唔尊重同合理啰。”

陈恩德表示接获这个讯息后,自己有私底下联络Ali:“我问系佢定TVB嘅意思,起初佢冇覆我,后来有覆,但私底下嘅嘢唔公开啦,系佢话系TVB嘅意思。”

他有感完全不受尊重,所以决定不用Ali出席:“我唔系一个锺意影相嘅人,但今日活动介绍嘅时候,我同个个嘉宾都有影相。佢哋咁嘅决定令我觉得好唔尊重,我每年喺TVB投放过千万广告费,点解会咁?所以我会抽起晒啲广告。(真系冇偈倾?)我谂乐易玲要畀个交代。”此时其身边高层即表示已书信TVB沟通,希望有方法解决。

陈恩德不欲回应与Ali的关系:“因为系公事,我先作出回应,其他私人事唔讲。总之Ali系一个好人,佢讲咩我都唔想特别伤害佢,而喺我单方面,佢一定系我嘅好朋友,今日佢嚟唔到,相关嘅礼物我都可以照送畀佢。(咁出场费呢?)呢样唔得,因为唔系佢收,系TVB收嘅。”

对于陈恩德扬言抽起广告,乐易玲回覆东网说:“今日TVB旗下艺人蔡洁、戴祖仪、罗孝勇等都有出席活动,公司一向与各广告客户都保持良好的关系,从媒体的报道,今天的活动有多位艺人出席支持,场面热闹。至于艺人在公司工作以外的商业活动,保护和尊重艺人的意愿,都是经理人的基本责任。”

更多香港娱乐动态

全站最新消息

d