冇得天伦乐︱梁芷佩飞北京开工农历年唔留港

“旅游达人”梁芷佩计划又飞喇!她透露农历新年前要飞北京工作,老公会随行担任拍摄,3子女则留港由妈咪看管,虽然今年不能与仔女在港过年,但她一早已封好利是,留给妈咪代派,她说:“大仔好乖,会帮手睇住细佬妹,我哋都放心啲,今年疫情关系,妈咪都唔会带佢哋周围去拜年,小朋友无得去拜年,少咗利是,好唔开心。”

趁飞之前密密接Job,早前她为运动品牌拍摄广告,在尖东海傍附近天桥拍摄,当日天气转凉,被海风吹到鼻水直流,不用埋位时,立即披着羽绒,她说:“因为就嚟飞,唔可以病,我都好小心,尽量食得清淡啲,同埋食维他命,除咗工作之外都好少出街,日日喺屋企食饭,老公做大厨。”

另外,早前她担任万千星辉颁奖礼主持,是她首个大型骚,由于节目要预留时间给得奖者讲感受,故其实并不需要讲太多稿,她说:“当日自己感觉良好,好enjoy好开心去做,听番朋友讲都话我淡定,睇唔出我紧张。(有前辈赞?)思捷有话我做得好,我同周奕玮一个team,我同佢熟啲,都话我唔似第一次做主持,可能同熟人一齐,感觉舒服啲啩!”

提到她与王敏奕的晚装“撞衫”,她表示款式十分相似,自言各有各着得靓,不过她就自爆十分轮尽,小腿被晚装划了一度血㾗。不说不知,其实她一直很怕做司仪,担心临场表现不好,过往推掉不少司仪工作,自从有过第一次经验,已经不再怕。她说:“之前无谂过可以做到,其实拍《潮什么》系同老公两个人去做,唔觉得做紧嘢,但做司仪就要背稿要应对,自从我妈咪同我讲,佢话唔使怕讲错,如果真系讲错就笑笑口,然后讲啱就无嘢,因为无人知道你份稿系点,估唔到令我冷静竟然系我阿妈。”

更多香港娱乐动态

全站最新消息

d