“港姐十强”搲完免费餐“走数”... - @香港TVB资讯台的微博精选

香港TVB资讯台

2022/01/16 21:56

“港姐十强”搲完免费餐“走数”　嫌疑人黄婉恩补镬？

前新城DJ林柏希近年积极发展餐饮界公关事业，惟日前他在私人社交网户口玩“揞名爆”，指一名TVB女艺人“食完松”走数，而她更曾是“港姐十强”的落选港姐，他说：“今次交手嘅女仔，可以话用一个Tea set嘅价钱已经睇到佢嘅品行。”惟事件曝光后，他立刻把贴文删掉。

林柏希详述“案发经过”，指他同事有次跟他说，指该位“港姐十强”主动透过IG联络他当公关的餐厅：“问我畀唔畀佢嚟tasting（即系请佢食），讲真，我完全唔知佢乜水，见佢都有三万几个followers，就谂住互惠互利啦！我请你食冇问题，叫佢之后出返个IG wall post啰，我讲明唔系斋IG story，系wall post，咁系你主动嚟R（搲），又唔系我朋友，亦唔系我邀请，公事公办在商言商，我提出嘅要求，你做到就嚟，唔想嘅咪算啰，或者你可以畀钱帮衬我畀个折你都得，最重要大家开心，唔好任何一边蚀底。”

虽然事先讲明，但林柏希想不到“港姐十强”会“走数”：“即日佢系有出到一个IG story，不过只有佢个背部又冇个tea set。”而他更附上对方的网晒的“背部图”作证，同时他说虽然“唔收货”，但“废事好似催人咁”，所以冇立刻追问。他指“过咗十日八日”，该“港姐十强”冇动静，同事联络她却冇回覆。

惟在同事联络不果的当晚，发现“港姐十强”：“就出咗一个 IG wall post，虽然张相个focus只系喺佢个样，个tea set系blur（模糊）嘅，似道具feel（应该系用portrait mode影嘅），亦冇tag餐厅，不过见佢有location checked-in，我觉得OK啦，始终我哋真系无畀过hard cash对方，不能过份要求嘛，明嘅。但系，喺跟住嗰日我同事想cap返图做media clipping嗰阵，发现佢竟然已经 DELETE 咗个 post啦，系呀，DELETED！！！”

林柏希忍不住怒轰该名“港姐十强”冇诚信：“一个 tea set 值几钱吖？原来你个朵就系值咁多㗎咋？哈哈！仲有，真系唔系我迫你出post㗎，系你主动R跟住自己应承咋，原来你嘅诚信只系值一晚。讲真，我完全冇嬲，只系觉得佢 cheap，好肉酸呀！唔好再用呢啲招数去其他餐厅呃饮呃食喇，真系影衰晒㗎！！”

究竟“港姐十强”是谁，立刻引起全城网民猜猜猜，伍乐怡、黄子桐、何泳芍及蔡嘉欣等成为“嫌疑人”，惟有网民凭林柏希网晒的“背部图”，声称是2020年落选港姐、现为无綫娱乐新闻台主持黄婉恩。之后更有网民发现“港姐十强”走数一事曝光后，指黄婉恩在IG个人资料一栏删除“Miss HK 2020（Top 10）”的字句外，更把她之前隐藏的贴文“翻生”，贴文中不单有她叹tea set的相，更标签了餐厅名字。

这相片对比林柏希网晒的“背部图”，相中人的发型及服饰极为相似。同时有不少网民在黄婉恩这个贴文下留言，指她疑似“补镬”：“原来系你？”、“因为世上冇免费嘅午餐，所以转攻下午茶？”、“啱啱先编辑（贴文），睇嚟好惊！”、“R（搲） tea set kol”

林柏希今日（16日）回覆东网﹕“佢最后叫做有甫过（社交网），但系唔够12个钟就删除咗或者隐藏咗（个贴文），依家有报道又放出来（贴文），点解要做呢个动作？我觉得好奇怪，我唔系要针对佢，我都要同老板交待，呢事件我系公事公办，以事论事。我唔开佢名，因为我唔想公审佢，唔想好似我去恰个女仔咁，希望大家警醒啲，唔好再有呢件事发生，事后有好多人私讯我，原来或多或少都遇过呢啲情况，我讲出来好似帮大家吐咗个冤气。”他希望借此事提醒饮食业或娱乐业界，诚信很重要，并指事件后对方没有直接联络过他。问到“港姐十强”是否黄婉恩？他说﹕“我冇讲过系边个，网民估到系佢哋嘅事。”

微博海外全站

微博国际

微博台湾

微博香港

微博新加坡

微博马来西亚

微博泰国

微博北美

微博日本

微博韩国

微博国际 精选分类

更多香港娱乐动态

相关视频最多人关注

香港TVB资讯台其他动态

全站最新消息

热门微博推荐

YouTube频道官方推荐

精选博主推荐

TVB官方微博

港剧剧透社

娱乐圈新闻速递

南都全娱乐

香港环球唱片

微博国际精选分类