林欣彤净系帮梁祖尧 许廷铿呷大醋

歌手许廷铿(Alfred)与好友林欣彤(Mag)今日(2日)出席服装品牌活动,同场有Alfred《全民造星IV》的4位学员,带埋她们出活动的Alfred表示:“客户好好,我哋嚟紧仲plan之后开音乐会,会叫埋佢哋同其他学员。”讲到圣诞节将至,Alfred就要做《造星IV》决赛,而Mag亦会在工作中度过,问到冇男仔约吗?她想了一会儿笑言:“暂时冇,但如果得闲可以嘅。”

Alfred即笑言约她来《造星》决赛,又赞她好,为学员提供意见,Mag即解释:“嗰日我去录节目,见到梁祖尧,佢话不如过嚟同班女仔倾吓偈,咁啱佢哋有个低音(指参赛者)过唔到嚟,所以我就教咗佢哋几句。”Alfred即“呷醋”:“原来你净系帮阿祖。”Mag就“反击”:“你拣咗邓小巧帮手都唔叫我!”Alfred随即表示他们、小巧及郑欣宜有一起食饭,期间他亦hard sell一齐睇《造星》。Mag亦有睇开节目,更睇好Marf:“因为佢同我参加比赛嘅岁数一样,都系19岁。”

而讲到昨晚大热咖喱被foul,惹起网民评论, Alfred表示:“我都好锺意佢,但冇办法,当下系电光火石嘅决定,亦系当下最好嘅决定,大家唔舍得佢即系佢观众缘好。(梁祖尧畀人闹?)我唔敢睇,同埋都唔会改变结果,不过节目完,唔代表佢哋个仕途完结,我哋都会同佢哋合作,好似阿祖会邀请佢哋参演舞台剧。”

更多香港娱乐动态

全站最新消息

d