陈滢大战刘佩玥 港版《Penthouse》有得做?

韩国话题剧《Penthouse》(顶楼)做足3季,次次都大收旺场,9月先播完《Penthouse 3》大结局,大家未回味完,估唔到咁快就传出无綫有意翻拍做新剧!消息指曾志伟属意搵“外援”叶念琛做导演,开拍女仔复仇、斗争嘅故事,现正于构思阶段,更有心想搵上位花旦陈滢、刘佩玥、蒋家旻及蔡洁做4大女主角,增加新鲜感。

其实该剧仲有冯盈盈,早前东网已率先爆佢同方力申、陈滢接拍叶新剧,当时盈盈事前话唔会同小方演情侣。被指有份参与该剧嘅蒋家旻,接受东网访问时话尚未正式收到通知,但得悉叶念琛将执导TVB剧大感高兴:“毕竟喺2012、13年嘅时候,导演系畀咗我首次拍电影嘅机会,但之后好多年都仲未有机会合作,所以希望今次可以合作到。”

至于刘佩玥接受访问时坦言有听过消息,但就未有收到公司嘅正式通知,未知道确实剧情内容同埋角色会甚样安排,佢话:“如果消息系属实嘅话,对呢个合作同新尝试系感到非常期待,所以依家我首先要拍好手头上套剧,之后嘅工作就等公司好好安排啦!”

更多香港娱乐动态

全站最新消息

d