唐诗咏同刘佩玥打“摔角”:警告佢咪再虾我阿哥

艺人唐诗咏与刘佩玥(Moon)正忙于为TVB新剧《隐形战队》开工,现时拍摄已经去到尾段,预计今个月内将完成拍摄工作,昨晚(5日)诗咏与Moon于一间空中瑜伽课室内取景拍摄,而剧情就讲述诗咏走去搵Moon讲数,点知两女就换来一场“女子摔角”。

诗咏接受东网访问时说:“今日我哋好似去玩瑜伽咁,但其实我系去惊告Moon,唔好再虾我阿哥(林子善),唔好收我阿哥做观音兵,所以实质上我哋系冇玩过瑜伽,最后就变咗女子摔角。”问诗咏现实生活中会否都有玩过空中瑜伽时,她笑言;“空中瑜伽我就冇玩过,但女子摔角我就好厉害,我哋两个都几狼死㗎!”

诗咏于社交网上载了与Moon的合照,留言Hashtag又有“呢位女士巧得意”、“佢应该80岁都系咁Cute”、“我怀疑系爱情嘅开始”、“又爱又恨” 等字眼,似乎与Moon的关系相当之好,诗咏亦不讳言:“我同Moon系第一次合作,但系佢都好玩得,会有啲好得意嘅Idea大家夹吓,除咗暴力之外,我哋都好有搞笑细胞,所以呢场戏拍咗出嚟我自己都好锺意。” 而Moon事后亦于诗咏的社交网上留言:“喂阿巧Sweet Sweet ahhh”,佢两个真系好有“爱”呢!

更多香港娱乐动态

全站最新消息

d