朱晨丽一整年冇剧拍唔觉被冷待:都知道观众好挂住电视屏幕前嘅我

朱晨丽周六(27日)出席慈善基金晚宴,提起日前见证陈炜被求婚,朱朱直言在医生陈国强求婚前5分钟她才把握事态:“原本纯粹以为去食个生日饭,加上佢哋惊我洩漏风声,所以将呢个秘密保守得非常好,发生前姐夫先讲我知,我已经制止佢即刻想喊,我一喊就会穿煲,做戏都冇咁做!我喊到朋友话好似我结婚咁,但我真係好戥佢开心,拍拖介绍畀我哋识嗰阵已经觉得佢哋好登对,已经嗌佢姐夫。”

朱朱表示已预定伴娘位置:“唔要我点得?(封定大利是?)礼物唔可以讲。”至于被不少网民催婚,她就表示随缘:“忙完工作先,缘份到就会有求婚个人出现,唔急嘅。”

对于有观众指已有近一年未能在电视屏幕看到朱朱演出之剧集,她回应指:“公司安排紧㗎喇,唔係係咪档期要让畀出面(指电影公司),所以中间就空咗一段时间,但其实我都有做公司其他嘢,公司唔係得剧、都有综艺,所以大家唔可以单睇一个部分。都知道观众好挂住电视屏幕前嘅我,如果啱期、公司又可以分配畀我就一定做。(有唔开心?)唔会!我都有做港姐、导师等唔同任务,都几满足,(收入有影响?)唔会啦,唔会啦。”

更多香港娱乐动态

全站最新消息

d