一星期操足五日差啲呕 林峯自爆畀人轮流打

久未在港露面的艺人林峯及任贤齐今日(30日)到屏山为新戏开镜,小齐表示首次与对方合作,大赞对方很努力,为打戏不停操练,一星期操足5日:“以前见佢形象系风流倜傥,今次就系钢条身形。”

问到可会骚肌?林峯指不刻意,又透露今次是大挑战,会打到飞起:“畀小齐、古天乐轮流打,基本上每个角色都会打我,今次有拳脚打、撞车、跳楼,飞天遁地。”他指为拍摄事前训练了个几月:“未试过能量咁高嘅训练,第一日练3个钟,仲练到差啲呕。(练到有冇受伤?)少不免,每日都会揩花,但值得。(有冇买保险?)少少,但大家辛苦都值得。”小齐即笑言幸好没有太多打戏。

两人又谓电影是80年代的造型,故他们都戴帽以免新发型曝光,林峯亦特地晒黑配合角色。讲到电影拍到新年后,岂不是未能与家人度过?小齐表示是演员的付出,林峯提起囡囡即冧爆指每日都要视像见面:“依家个女岁几,挂住老婆又挂住小朋友。(个女咁耐冇见你唔认得你?)唔会,一见到我就叫爸爸,冧到几辛苦都冇所谓。(唔叫老婆同个女嚟香港?)始终疫情要隔离,同埋小朋友搭飞机都有风险。”

更多香港娱乐动态

全站最新消息

d