星光熠熠|张敬轩心情未受爱犬病重影响:要做嘢嘅时候就要做嘢

《星光熠熠耀保良》昨晚(28/11)在红馆举行,当晚压轴出场的张敬轩以爵士乐风格重新演绎《馀震》和《不舍也为爱》,他在后台接受传媒访问时直言,今次并非为下月红馆演唱会热身,纯粹希望为筹款出一分力。

轩仔日前推出的《盛乐演唱会》蓝光碟,他特别提到今日在Instagram中限时上架,并收录在专辑中的纪录片《The Cloudless》,内容包括自2019年开始筹备到完结时的一点一滴,包括得知有确诊者来过红馆看演唱会后的精神状态。轩仔承认曾打算在电影院放映:“第一个版本剪完係3个半钟,本来我想剪做大约两个钟,放喺戏院上啦。原来喺电影院上纪录片嘅程序係好复杂,要经过电检等等嘅手续,最后都係决定收录喺碟入面。”他觉得整个筹备过程百感交集,加上《盛乐》是上年疫情后唯一一个红馆演唱会,于是萌生制作纪录片的想法。

这次纪录片也包括在家中生活的珍贵片段,轩仔透露今次摄影师不但在家中安装多个镜头,甚至也长居家中,因此能透过影像纪录日常生活:“包括遮遮早餐都有,究竟佢係点煮呢?煮出嚟新鲜嘅样係点呢?大家都可以睇到。仲有啲画面係冲凉,刷牙,但係儿童适宜嘅。”

不过最近轩仔家中的爱犬受渐冻症所困,被问到今次演出心情有否受到影响,轩仔坦言有担心,不过上台一刻即收拾心情:“我谂入咗行咁多年都惯咗,要做嘢嘅时候就要做嘢。值得庆幸嘅係病情稳定,但係医生都有讲过已经冇任何治疗措施。其实猫猫狗狗都係家庭成员一部份,佢真係好似我个女,已经15岁,而哥基其实好少可以养到15岁。佢开过好多次刀,急救过,佢呢一生已经好叻。”

轩仔说,过去一段时间安排家中工人照顾哥基,自己自行安排起居饮食,不过近日已经向公司请假,希望未来数日专心照顾它。轩仔又透露,其实在前日出席过新城颁奖礼记招后,他就忙于照顾爱犬:“做完颁奖礼记招后,我放咗自己大约一个钟头假,去咗薄扶林海边唞下气,但係pat pat都未坐热就收到屋企电话,话佢呼吸得唔好,我就即刻要返去。观察咗大约四个钟,佢稳定啲,就返房冲凉。点知冲完凉瞓落床,工人姐姐就打电话叫我落嚟睇,见到呼吸唔对路,于是换衫送佢去抽积水。”

更多香港娱乐动态

全站最新消息

d