陈年片段出土︱黄日华新旧豪宅大对比 愈住愈豪

艺人黄日华于80年代系当红小生,被称为无綫五虎将之一,当年工作做唔停嘅佢,短短几年已经上车成功,最近big big channel就上载1986年节目《K-100》探访黄日华屋企嘅短片,原来当年已经好兴去参观明星屋企,黄日华于节目中透露当年买呢间屋企嘅原因,系因为喺TVB附近,方便返工,片段中可见佢家中有酒吧、大浴室等,相比起依家嘅纳米屋已经算系豪宅,而佢都会将奖牌、奖座等,同剧迷送畀佢嘅礼物,放喺家中收藏!

而黄日华婚后女儿黄芷晴出世,觉得唔够住,就搬入一间三层高嘅大屋,客厅设于二楼,有一张超巨型梳化,而一向唔介意人哋参观佢屋企嘅佢,今次就邀请内地真人骚《女儿们的男朋友》参观佢屋企,豪宅以白色为主,三楼厨房超大,设备一应俱全。

而最劲嘅系屋企客厅玻璃柜摆满了一整面墙嘅模型玩具,全部都系黄日华亲手砌成,而屋企某一个角落,就见到黄日华与亡妻梁洁华嘅合照,佢不时于此处怀念同亡妻相处点滴,可见佢绝对系情深好老公兼好爸爸。

更多香港娱乐动态

全站最新消息

d