张继聪最后阶段跑到想呕 为阿女顶硬上

染了一头白发的张继聪处男下海参加渣马,更首战半马,跑出1小时33分29秒佳绩,冲线一刻Chok住摆Rock and Roll手势,心情靓爆!受访时他抵死自嘲是上年纪的业馀爱好者,成功做到教练要求于90至100分钟完赛,非常满意成绩:“梗系满意啦!大佬!有命返嚟同你哋讲嘢喎!为新电影搵教练练长跑一年,一星期操5日,但套戏依家都未拍,教练就叫我试报渣马。(有冇睇排名?)唔计较,今次已经有交代。”

阿聪表示跑过终于明白跑步会上瘾道理,觉得跑步系健康运动,会令自己心理质素好好,问到之后可会再报名参加?他却笑说要睇情况,但就会Keep住跑步:“毕竟我成41岁先跑,都唔后生,依家跑完好开心,寻晚(23日)瞓咗几粒钟。(老婆谢安琪同对仔女有冇话嚟终点等你?)冇啦咁早!佢哋都未起身,今朝我4点就出门口,开早更的士咁。”然后Sweet爆话囡囡张靖帮他搽指甲油,再晒出左手手指“晒命”:“叫我攰就望吓只手,我叫佢搽埋右手,佢话唔想我咁辛苦,冇计!真系畀佢治到!(你跑嗰阵有冇望?)望咗2、3次,个个都话西隧系地狱,但一出到嚟全部斜路仲辛苦。”

不过阿聪坦言跑到湾仔附近时一度想脚抽筋,最后2km更是跑到直头想呕,但见沿途有好多街坊为他打气,为唔想“样衰”惟有顶硬上:“我系演员嚟嘛!做戏做全套,哈哈!跑完最想叹杯咖啡。”又搞笑同记者夹计向囡囡认叻:“因为喺2个钟内跑完会有个纪念奖牌,咁我就会同佢讲爸爸跑赢咗几万人,你哋唔好踢爆我!”

另外,讲到主演电影代表香港角逐第94届奥斯卡“最佳国际影片”,他直言好开心、好感动,好荣幸能参演:“上映反应好好,依家仲去埋奥斯卡,呢套系励志片,自己亲历其境觉得人生真系充满希望,好戥导演开心,花咗好多年时间准备,呢条路唔易行。”并大赞各演员都为电影付出好多,证明这个世界有付出会有回报。

更多香港娱乐动态

全站最新消息

d