郭富城咩都同太太讲 自认依家最幸福!

艺人郭富城(城城)今日(27日)现身尖沙咀出席活动,他因电影工作已有至少3个月未有公开露面。谈到昨日56岁生日,又与太太穿情侣装放闪,他开心表示:“都系简简单单食餐饭啫,不过两个女送吻畀我,即刻冧晒。(太太呢?)总之成家大大细细都锡我啦。(有乜生日愿望?)身体健康、事事顺利、世界和平,同埋快啲过返正常嘅生活。”

刚完成电影《扫毒3》拍摄工作的他,下月又会投入另一新电影制作:“呢个角色我从来冇做过,可以讲少少系黑色喜剧,我扮演一个大贼,会同林家栋、任贤齐等合作。今次系支持新导演,同埋我畀佢嘅剧本打动到,我嘅造型好特别。(认唔出嗰个系你?)你哋会觉得好似我啰!到时会去庙街拍枪战,想透过镜头话畀旅客知依家嘅香港着名景点变成点。”

谈到《扫》片在有惊无险下完成所有拍摄,城城亦认同:“大家想制作做到最好,难免有意外发生。话明意外即系意料之外,我其中一场戏交代我踢对面嘅人,点知拍完手背骨爆开流血,仲要流足半个钟,伤口好深,初头谂极都唔明点解,应该系企喺我旁边嘅刘青云着住件皮褛,条拉链好利,唔觉意被割到!”

问到他是否报喜不报忧,不敢与太太报告自己受伤?城城坦言:“又唔会喎,我乜都同佢讲,例如今日拍枪战、翻车戏咁,以前就话冇得分享啫。依家嘅我系最幸福嘅,会继续集中火力喺工作上。”他又指有时连大女儿亦会聊天分享:“好似我之前做环保唱儿歌,佢都知道,跟住一齐跳舞。我试过喺屋企播我嘅歌,佢知道系爸爸唱嘅,都有微笑,好开心佢有艺术细胞,试过同佢一齐画画,佢‘投诉’话我话画出界!”

更多香港娱乐动态

全站最新消息

d