连嫁两女忙过开工 文雪儿恨抱孙

艺人文雪儿到会展出席健康产品活动,笑言品牌睇中她这个年纪还头脑精灵,背对白都难唔到她。她又透露最近工作冇停过,日前才拍完剧集《童时爱上你》,下月初又开新剧,之前亦有拍电影,但笑言最忙是嫁女。

讲到大女张筠及细女袁萃先后在10月签字结婚,她笑言:“佢哋自己都唔知道,佢哋各自定时间,再各自通知我,先知原来大家都系10月。”她又表示大女未有打算举办婚礼,而细女就本身打算12月补办喜酒,但她认为疫情摆酒不能尽兴,有围板及没有live band,故叫细女疫情完结后再补办。

问到可会催两女快些生B让她抱孙?她笑言:“我好想,我好多年前已想抱孙,我锺意小朋友,细女都希望尽快有小朋友嘅,但睇缘分。(大女呢?)佢都锺意小朋友嘅。”问到如果将来有孙的话可会减产凑孙?她笑言:“凑就唔会啦,玩就得,或者会帮吓手,但留番佢哋凑,觉得佢哋要经历自己凑B,先会特别孝顺。”

更多香港娱乐动态

全站最新消息

d