做快闪店长︱邝洁楹做老板娘挨到残 被笑似鬼!

艺人邝洁楹(Judy)于两个月内两度“升呢”做老板娘密密吸金,近日才为健身室举行开张仪式的她,今日(18日)现身铜锣湾再为自家制曲奇品牌做2个钟快闪店长,吸引大批Fans课金、影合照,好友兼香港剑击运动员林衍蕙更有到场帮衬支持。

现正赶拍无綫新剧《四十二章经》的Judy,笑谓今早才刚收工,就直接返屋企拎曲奇到Pop-up Store补货,稍后又要再返电视城开工,难怪她笑说觉得一日有50个钟:“呢个星期真系发生好多事,真系好忙!健身室开张,曲奇又有4日摊位,我都嚟咗2日,大约卖咗600几块曲奇,成绩好好!”又笑嘲因为最近Chur爆变得好残,被其他档主误以为“撞邪”:“第一日朝早7点嚟Set up,我又系拍完剧收工嚟,听到其他人讲‘系咪邝洁楹嚟?好似鬼咁!’真系好好笑,真系我嚟!”

Judy又报喜指曲奇生意短短开业两个月已经回本,扣取成本更有约5位数字落袋,犹如打了一支强心针,令她非常感动!同时亦有多个商场向她招手倾合作,希望于圣诞节档期再搞Pop-up Store,问到可有考虑开门市?她坦言今年不会,因为实体店需要大量人手,成本自然上升:“最近因为要拍剧,所以先请咗一个人帮手整饼,开店起码要请6至8个人,条数暂时未计得掂,哈哈!”

分身乏术之下,打趣问到男友可有诈型?她冧爆指没有:“我自己都少咗好多Me time,朋友都见少咗。(男友冇投诉你见饼多过见佢?)咁又冇。(佢有冇落大量Order帮衬你?)唔使啦,今次呢个市集储到好多新嘅街客,亦有朋友怕我会滞销,一嚟都3盒咁买走,唔使出动到男友。”

更多香港娱乐动态

全站最新消息

d