#即时娱乐新闻##香港娱乐新闻# 「声生不息| 王祖蓝义务做主持兼监製 为节目举家搬长沙..」
由TVB(@TVB官方微博 )与#芒果TV# 合办的节目《#声生不息# 》正在热播中,节目除咗搵嚟多位香港及内地殿堂级歌手与新生代歌手参与之外,仲有何炅及@王祖蓝 担任主持,节目播出以来引起香港及内地网民热烈讨论。近年#王祖蓝# 选择北上发展,参与唔少综艺节目拍摄,捞得风生水起。近日佢接受内地电台访问指佢除咗係《声生不息》主持之外,仲兼任节目监製一职,而且两项工作都係义务冇钱收。

近日王祖蓝内地电台访问,期间就讲到有传闻指佢係义务做《声生不息》,而佢就直认有关传闻,并话佢好感恩有呢个咁难得嘅机会,因为可以两地一齐宣传港乐,佢觉得咁样比酬劳更加重要。之后佢就话为咗感谢佢哋同TVB合作做呢件事,为咗全国人民嘅港乐情、两岸交流及新生代歌手嘅交流,佢就话唔使酬劳,佢感谢大家,而佢亦相信回报係全国人民都可以感受到港乐。另外,王祖蓝仲话《声生不息》只係两地合作发展嘅第一步,嚟紧会有唔少殿堂级歌手陆续登场。

除此之外,王祖蓝提到佢为咗方便拍摄《声生不息》及另一节目《爸爸当家》,所以佢举家由上海搬到长沙。呢几个月除咗拍节目之外,佢哋一家人都有唔少亲子活动,例如去坐地铁、放风筝及去博物馆等等,同小朋友一齐感受长沙嘅风土人情。

(来源:yahoo娱乐圈) http://t.cn/R2WxksT

更多香港媒体动态

全站最新消息

d