#即时娱乐新闻##钟嘉欣# 「视后大热钟嘉欣已带囝囝返港 网民猜测可能係为拎奖」
tvb(@TVB官方微博 )#万千星辉颁奖典礼2021# 将于下年1月2日举行,自各奖项提名名单喺日前公布后,网民纷纷预测奖项花落谁家。而「最佳女主角」方面,@Linda钟嘉欣 喺tvb台庆剧#星空下的仁医# 表现亮眼,被网民视为今届视后嘅大热人选。而钟嘉欣喺今年获提名「最佳女主角」以及「最受欢迎电视女角色」2个奖项,近日原来佢同囝囝Jared返咗香港,现正喺酒店隔离中,佢仲上载相片到社交网站,随即吸引唔少网民留言支持佢拎视后。
钟嘉欣喺2004年参选华姐,获得冠军后入行,随即被受无綫力捧,更被网民捧为女神。

多年嚟佢参与过多套大热剧集拍摄,例如《皆大欢喜》、《法证先锋》、《溏心风暴》及《珠光宝气》等等,成为当家花旦之一。自从2016年结婚生子后,佢甚少参与幕前工作,专心照顾家庭。直至上年佢先返香港拍摄《星空下的仁医》,剧集更成为今年台庆剧,佢喺剧中饰演章以芯医生,唔少网民睇过佢嘅演出都讚不绝口,认为佢演技有明显嘅进步、比以往更加细腻,及支持佢荣升视后。

钟嘉欣入行多年有唔少经典角色,例如《溏心风暴》常在心、《护花危情》乔子琳及《巨轮》卓静等等,演技多次获得观众肯定,不过其实佢从来未拎过《万千星辉颁奖典礼》嘅「最佳女主角」,过往佢曾经获得10次视后提名,可惜都大热倒灶。今年佢凭章以芯一角成为「最佳女主角」嘅大热人选,近日仲已经带埋囝囝返香港,唔少网民除咗支持佢拎视后之外,仲猜测佢今次返香港好可能係为拎奖,唔知佢今年可唔可以打破宿命呢?
(yahoo娱乐圈) http://t.cn/R2WxksT

更多香港媒体动态

全站最新消息

d