#即时娱乐新闻#@钱嘉乐KaLok 、卢惠光出席聚会 昔日武打影星重聚 60+仍风骚英俊..?】
曾经喺泰拳界声名大振嘅#卢惠光#当年被发掘,成为武打演员;虽然近年减产,但人缘甚广,仍不时出席圈中好友饭局。继分享与 @任达华@元彪微博#林国斌#等聚会合照,日前卢惠光又再喺社交平台发布与同样係武打影星出身嘅演员朋友合照,包括#林国斌##张雷##孟海##钱嘉乐#等,写道:「靓相有时唔使特登影!」
虽然大家都几乎淡出演艺圈,而且除咗钱嘉乐之外,其餘武打影星都已年过60,但依然精神奕奕,充满笑容,从照片中都可以感受到佢哋昔日互相支持奋斗嘅一面。林国斌当年凭《破坏之王》「断水流大师兄」一角深入民心,当中一幕对白「我唔係针对你,我係话在座咁多位,都係垃圾!」成为网络常用语句;宜家已转行金融业嘅佢就戴住价值约20万名錶出席,睇嚟捞得唔错;至于企喺钱嘉乐旁边嘅孟海,当年与林正英拍住上,不过现已转为动作指导、导演工作。而66岁「金轮法王」张雷则喺年初为香港动作特技演员公会拍摄网上短片,教授健身养生运动。

(yahoo娱乐圈)

更多香港媒体动态

全站最新消息

d