#苹果#:【廿个红星走剩几多...?!】#徐子珊##邓萃雯#同舅父轮住走...! #王祖蓝#“经理人之父”梦断......!

矮仔系咪多计.....?!望望 @王祖蓝 可能会略知一二,近年喺大陆积极拓展版图嘅王祖蓝,除咗密密做综艺节目真人骚,努力赚人仔外,雄心万丈嘅佢,更同邵氏合作组经理人公司“手工艺”,一接就接咗20个艺人,开记招当日,企正中间嘅王祖蓝,系威系势,十足娱乐大亨咁款。

不过,“手工艺”开业仅一年,即多次传出旗下艺人怨声载道,有报道指王祖蓝当初同徐子珊签约,曾承诺会开戏俾佢,但最终电影开唔成,子珊对此有微言,更扭计要放一个月大假。

至于同样系“手工艺”艺人嘅邓萃雯,亦指自己唔适合做综艺节目,反而想拍番广东话剧本嘅电视剧,最终佢同王祖蓝就“和平分手”咗。而祖蓝接受传媒访问时,亦直认话唔想同雯女冇朋友做,所以决定放手,祖蓝接受访问时,亦预计陆续有艺人离场。

青春有限,靠样揾食嘅艺人轮住走,今日有报道指除咗 @Kate_Tsui_徐子珊 、@邓萃雯 外,仲有#黎瑞恩#@黎瑞恩Vivian (小恩子),有指王祖蓝曾讲过话帮小恩子出碟同开演唱会,结果讲咗成年,承诺都冇乜着落,为免再嘥时间,所以最终止蚀离场....!

至于同王祖蓝一齐打江山嘅副总裁舅父#冼伟智#(Tony),有指亦因为同日渐心雄嘅王祖蓝,意见出现分歧,所以都递埋信劈炮唔捞!就连祖蓝妈咪都有出面做和事佬,不过最后都搞唔掂。

《苹果》亦有揾过祖蓝同佢舅父Tong了解,祖蓝就话:“多谢佢哋帮《老表》宣传啦,其他嘢就唔回应喇。”而Tony就未有回复。