#苹果#:【母亲的抉择...】囝囝唔适应新校好头痕 可岚处两难局面...

#可岚#@可岚Colleen 、#陈蕊蕊#@陈蕊蕊yuri 、#范振锋#@范振锋Ricky、#林雅诗# @林雅诗gracelam 及#何紫纶#@何紫纶 等,㖊晚喺上环出席姚浩政主持嘅网上节目一周年派对,可岚透露最近忙于办理囝囝嘅开学手续,佢话:“囝囝由国际学校转到传统学校,因为佢一路读开国际学校中文较差,所以喺新学校入面适应比较困难。”

可岚话原本囝囝就读国际幼稚园,但考唔到上小学,变相要入读传统学校,佢话:“今年有好多小朋友一齐争学位,所以暂时只能够读本地学校,佢喺学校内同同学相处都有困难,前排先要见家长,话喺学校同其他同学仔打交。”

可岚经了解后,知道囝囝喺校内因中文不佳被同学笑,佢直言想囝囝读番国际学校,奈何o依家仲同分居丈夫搞紧离婚官司,经济有压力,所以处于两难局面,可岚话:“囝囝升小一需要多啲时间陪佢,但自己亦想做多啲工作,所以系比较两难。唯有希望尽量揾到适合嘅工作就做,同埋陪囝囝倾多啲偈,等佢尽快适应。”

至于搞手姚浩政同拍档程瑶(Donna)受访时感谢好友到场,又话嚟唔到嘅人都有拍片支持,姚浩政仲话:“虽然已经做咗一年,但依然好似我个BB咁。当初会做网上平台,系觉得身为艺人好被动,o依家有多个平台可以主动出击。”又话嚟紧希望再拓展网站规模。
而Donna就话网站成功主要靠圈中朋友支持:“大家认识十几年,做访问时可以好relax,话题又倾得好深入,比之前更close。其实一直系做紧自己钟意嘅节目,估唔到得到咁多人支持,希望之后可以做多啲带到正能量畀大家嘅节目。”