#苹果#:【忧2047年地契年期完结?】#邓兆尊#@兆尊大官 四兄妹密密卖资产套现...

邓兆尊接受周刊访问时笑言,外间一觉得佢系二世祖,玩世不恭不愁衣食,但兆尊讲嘅系另一个版本。

由小学三年级已经晚晚临瞓前听从父亲祥哥耳提面命训示处世持家之道直至凌晨三点先有得瞓嘅兆尊,自父离世后,遵父训照顾一家。访问中,兆尊称,决定出售其父位于筲箕湾楚留香酒楼旧址,邓家获利近3亿.
之前兆尊接受《苹果》访问时笑言俾番300蚊佢就算,咁当然信佢至奇啦。佢话,出售楚留香系大家一齐决定,要等两三个月先至settle。兆尊又称,呢个决定系十年计划,依家只系比预期迟咗少少。
兆尊又称,四兄妹本来想卖地皮(西贡)先,但谂过觉得唔work,因为未到心目中最高价位。兆尊又话,依家大趋势系套现,宁愿有钱揸手好过手持物业/地皮。佢话,资产话就充话属于你,但点知将来嘅事。拎钱实际啲。
咦,兆尊此言,同2047年地契年期完结有冇关……?
兆尊续称,卖咗资产嘅收益,就入晒联名户口,即系大家一齐用“阿公”钱。兆尊话自己使得好少,而呢啲钱,系用嚟还债,总之佢本人系唔会用“阿公”钱,系都系其他细佬细妹用。

----------------------------

苹果:建立时间 (HKT): /201708/12 14:30:【卖祥哥资产开“阿公”户口】买林宝买Daytona 兆尊爆兄妹离奇使钱方法..

男人三十而立,别人眼中的二世祖邓兆尊,小学三年级已立。因为祥哥新马师曾早在邓兆尊小三时,晚晚捉住佢讲人生道理,日日如是,一直维持到中学。邓兆尊形容,自己十几岁𠮶阵已有丰富的人生历练,当然仲有好多娱圈秘闻。依家邓兆尊就系用番老窦教佢嘅𠮶一套,用来照顾家人。

因为一个钱字,令邓兆尊今日再成周刊封面人物。但讲得更多不是遗产税上诉同楚留香易手,而是邓兆尊口中的爱生事家庭。
邓兆尊称,四兄妹有一个阿公户口,出售老父物业或地皮的收入,都入晒呢个阿公嘅户口,啲钱四兄妹一齐用,无论买车买表定买豪宅,都计得清清楚楚。啲钱点用,大家一齐商量,但即使如此,都买咗好多古怪嘅……例如,买Rolex嘅Daytona,细佬兆荣想买,但为咗要公平,兆荣就买钢带款俾自己,买个皮带款俾兆尊。但兆尊接受周刊访问时就话,其实祥嫂之前已经买咗只八十万嘅表俾佢,佢都好少戴。
兆荣爱名表,当然也爱名车。都系用阿公钱,亦要力求公平。咁点好呢?兆尊举例,兆荣同佢讲,话你(即兆尊)钟意白色㖞,咦,你(都系兆尊)又钟意林宝㖞,咁啦,其实我已经买咗喇……当然系用阿公钱,架车由兆荣“揸住先”。兆尊受访时笑言,连佢自己都唔知原来自己钟意白色林宝嘅。
Keep车匙呢啲咁辛苦嘅工作,兆荣都不让兆尊辛劳。兆尊话,每次要用车,都会问大家有边架车依家系无人揸嘅,就俾佢揸啦。所以外间以为兆尊咁劲咁多车,其实系兄弟姊妹唔揸就轮到佢揸咁话啦。